Tanka, Michael McClintock

Tanka, Michael McClintock
	cuimhne atá agam - ag marcaíocht ar ghuaillí m'athar amach san aigéan, filíocht ag nithe sula raibh urlabhra agamsa
	a've this myndin - coalie-buckie on faither's shouthers intae the ocean, the musardrie o theengs afore a cud threep Leagan Béarla na hAlban le John McDonald
	έχω μια μνήμη -- στους ώμους του πατέρα στον ωκεανό, ποίηση των πραγμάτων πριν αρχίσω να μιλώ Leagan Gréigise le Sarah Thilykou

Tanka le Mori Ogai (1862-1922)

luch bheag
ag princeam léi
i measc na leabhar scaipthe
ligim orm a bheith im' chodladh
is mé ag breathnú uirthi seal

Haiku le Issa ón mbliain 1819

mná rialta an teampaill . . .
is gá beirt
chun an raidis a tharraingt

.尼達や二人かかつて引大根

ama-dachi ya futatsu kakatte hiki daikon

Scáil

Sáraíonn mo scáil féin
mo thomhas,
An bhfuil tomhas agam?
A fhiafraím díom féin;

An mbaineann tomhas le himirceach?
Ní déarfainn é.

Brij Nath Betab

An Bhean Óg Úd a Dhíolann Bláthanna

An bhean óg úd ina seasamh ar thaobh an bhóthair
Ag díol bláthanna, inniu
Tá sí féin iompaithe
Ina flós fíorálainn

Chun neachtar a colainne a shú aisti
Ar nós bumbóga, tá scata fear óg
Ag crónán thart uirthi
Inniu, is é an seoladh atá aici
Caolsráid rúnda sa mhargadh:
Chun streachailt in aghaidh an ocrais
Tá a colainn iompaithe ina siopa aici

An bhean óg úd, ina seasamh ag críoch-stad an bhus
Nó ag siúl i measc an tslua ar an gcosán
Nuair a fhaigheann siad spléachadh uirthi, iompaíonn
Na fir óga chéanna a súile uaithi is téann i bhfolach
Laistiar de sháraí a gcéile mná

An bhean óg úd is duine de scata ban óg í
Agus anois níl sí ag brath ar éinne níos mó
Ardaíonn sí a dhá lámh chun na spéire
Faoi mar is eol di go bhféadfadh sí greim a fháil orthu –
Réaltaí geala ag bogadh, ag preabarnach, pláinéid, réaltbhuíonta

Parimal Hansda

That Young Woman Who Sells Flowers

That young woman who, standing by the road
Was selling flowers, today
She herself has turned into a
Very beautiful flower

To suck the nectar of her body
Like bumblebees, buzzing around her are so many
Young men
Today, her address is
A hidden alley in the market
Where, to fight her hunger
She has turned her body into a shop

That young woman, when she stands at the bus terminus
Or walks in the midst of people on the footpath
Then, on spotting her, those very young men
Avert their eyes and hide
Behind the open ends of the saris of their women

That young woman is one of the many young women
And now she is not dependent on anyone anymore
She raises both her hands towards the sky
As if she knows that she would be able to touch and hold
The moving, glowing, blinking stars, planets, constellations

Dán le Parimal Hansda aistrithe go Béarla ón tSantáilis ag Hansda Sowvendra Shekhar

Therigatha

Saor atáim

Saor atáim, saor go brách,
ó thrí rudaí suaracha -
ón moirtéal, ón tuairgnín is óm' thiarna cam,
saortha ón athbhreith is ón mbás atáim,
is an uile ní a bhí mar bhac orm
scuabtha chun siúil.

Mutta

Nach saor atáim

Bean atá saortha go deimhin! Gan chuing atáim,
nach iontach, saor ó bhrácáil na cistine.
Saor ó ghreim crua an ocrais
is ó photaí cócaireachta folmha.
Saor leis ón bhfear neamhscrupallach úd,
fíodóir na bparasól.
Suaimhneach atáim, sámh ionam féin:
scriosadh drúis, scriosadh fuath.
Seo mé faoi dhein scáth na gcrann
chun tuiscint a fháil ar an séan.

Sumangalamata

Maidir le Therigatha, féach an t-alt seo.

Do Dhia na Tine ina Chapall

Ní dhéanann do shúile dearmaid.
Tá radharc na gréine ag do shúile.
Máirseálann do chuid smaointe go huafar istoíche
Solas iontu ag drithliú agus briseann
Tine ód' scornach is tú ag seitreach sa chath.

I bhforaois thaitneamhach a rugadh an tine
Maireann an tine seo faoi eacstais áit éigin san oíche.

Miodóg tine í a mháirseáil
A cholainn ollmhór
A bhéal ag oscailt is ag dúnadh
    is an domhan á chogaint aige
Faobhar tua a theanga á luascadh aige
An t-adhmad amh a leagann sé
    á bhruithniú is á scagadh aige.

É ullamh chun scaoilte agus feistíonn saighead le sreang
An solas á líomhadh ina fhaobhar géar ar an gcruach
Imíonn tríd an oíche le gluaiseachtaí gasta éagsúla
A cheathrúna lán de luail.
          Is éan é a shocraíonn síos ar chrann.

[An India]