 |
| Mahe Jabeen |
mar a tharlaíonn an fhilíocht
tagann sé
is tugann póg dom
ag iarraidh meadaracht a fháil
i bhfuaim na gcos aige
dúnaim mo shúile
plúchann
an óige mé
smaointe
a bhí á bhfoirmiú
ag dul amú
mo chuid íomhánna fileata
á gcreachadh gan taise gan trua
pógann grá gan mhasc mé
ar an gclár éadain lom
lonraíonn im’ shúile
go mealltach
a mhéar ar leiceann liom
ar chuar mo mhuiníl
tá amharc ar fara
is bogann mar leoithne
táim gafa ag éigse
gan bhriathra
foilsíonn beola an dán
le cead an údair