Cad atá
Ag an duilleog dheireanach
Le bheith ag maíomh as?
Bhuel –
Samhlaigh
Seangán beag
Ar fán leis féin
Faoin gcrann.
Samhlaigh
Go dtugann sí scáth don seangán
Ón ngrian loiscneach
Is í ag luascadh go fiáin sa ghaoth.
Is cuma
Má shracann an ghaoth
Ón gcrann í.
Nár mhéanar dá dtitfeadh sí ar an seangán beag
Go séimh
Ar nós scáth fearthainne mór glas
Is fanacht
Le miongháire mioscaiseach
Go dtiocfadh máthair an tseangáin
Is í ag tabhairt amach
Gur ceileadh a páiste uirthi –
Cad eile a theastódh ó dhuilleog?