Ar crith a bhí an t-aer sna Seascaidí
agus teachtaireachtaí dofheicthe
ag teacht as ceithre hairde na cruinne chugainn
agus tugadh cluas don Fháidh, Kahlil Gibran:
Mar phunanna arbhair, cnuasaíonn sé
chuige féin thú.
Buailtear thú chun go mbeifeá nocht.
Criathraítear thú le bheith saor ón gcrotal.
Meiltear i do bháine ar fad thú.
Fuintear thú le bheith solúbtha.
Cuirtear sa tine bheannaithe aige ansin thú
le go mbeifeá i d’arán beannaithe
ag séire beannaithe Dé . . .
Agus bhí daoine nach raibh An Fáidh léite acu
agus bhí fionnaitheacht orthu –
breithiúna, polaiteoirí, an chléir
gach crann taca a bhí ag an tsochaí
bhí rud éigin ag teacht agus ní raibh a fhios acu
cad a bhí ann
mar is á ghaibhniú i gcroíthe nua a bhí sé
agus bhí na fathaigh ar crith
J P Morgan
an t-arm
infheistitheoirí:
criathrófar sinn
meilfear sinn
fuinfear sinn
cuirfear sa tine bheannaithe sinn!
Agus shuíodar síos
agus ghealladar go sollúnta
nach dtarlódh na Seascaidí go deo arís.
agus teachtaireachtaí dofheicthe
ag teacht as ceithre hairde na cruinne chugainn
agus tugadh cluas don Fháidh, Kahlil Gibran:
Mar phunanna arbhair, cnuasaíonn sé
chuige féin thú.
Buailtear thú chun go mbeifeá nocht.
Criathraítear thú le bheith saor ón gcrotal.
Meiltear i do bháine ar fad thú.
Fuintear thú le bheith solúbtha.
Cuirtear sa tine bheannaithe aige ansin thú
le go mbeifeá i d’arán beannaithe
ag séire beannaithe Dé . . .
Agus bhí daoine nach raibh An Fáidh léite acu
agus bhí fionnaitheacht orthu –
breithiúna, polaiteoirí, an chléir
gach crann taca a bhí ag an tsochaí
bhí rud éigin ag teacht agus ní raibh a fhios acu
cad a bhí ann
mar is á ghaibhniú i gcroíthe nua a bhí sé
agus bhí na fathaigh ar crith
J P Morgan
an t-arm
infheistitheoirí:
criathrófar sinn
meilfear sinn
fuinfear sinn
cuirfear sa tine bheannaithe sinn!
Agus shuíodar síos
agus ghealladar go sollúnta
nach dtarlódh na Seascaidí go deo arís.