Tír Nach bhFuil Ann Níos Mó

Tháinig bean chuig an doras

Agus thosaigh sí ag sileadh na ndeor:

"Cabhraigh leis an tSeicslóvaic -

An tSeicslóvaic bhocht! Ó bhó!"

"Ach . . ."

Agus thosaigh mé féin ag sileadh na ndeor:

"Conas a chabhróinn leis an tSeicslóvaic?

Níl an tSeicslóvaic bhocht ann níos mó!"

Cumhacht an Cheoil

               Giovanni Segantini - Idil

Seinnimse ceol gach lá

Agus bíonn an domhan faoi bhláth

Seinnimse ceol gach lá

       Cén fáth? Sin an fáth!

Seinnimse ceol gach lá

Agus líonann mo chroí le grá

Seinnimse ceol gach lá

       Cén fáth? Sin an fáth!

Seinnimse ceol gach lá

Cois abhann, nó cois trá

Seinnimse ceol gach lá

       Cén fáth? Sin an fáth!

Seinnimse ceol gach lá

Tá cumhacht sa cheol! Tá!

Seinnimse ceol gach lá

       Cén fáth? Sin an fáth!

Seinnimse ceol gach lá

Nuair a bhíonn rud éigin do mo chrá

Seinnimse ceol gach lá

       Cén fáth? Sin an fáth!

Muc os Comhair na Cúirte

Cinnte, bhí sí buartha

Nuair a tháinig sí os comhair na cúirte.

Fuarthas ciontach í, an créatúr bocht

As siúl ar na sráideanna agus í lomnocht.

"Tabhair treabhsar dom, nó sciorta, nó filleadh beag!" ar sí

Is é a tugadh di, an créatúr, ná príosúnacht sé mhí.

Ceo

    Caspar David Friedrich 

Long sa cheo

Seachas sin ní fheicim aon ní beo

Síneann an ceo

Ar aghaidh is ar aghaidh go deo

Ionamsa an ceo

Smaointe ag reo

Ceo ceo ceo

an domhan go léir ag feo!

haiku

emerging from the snow

emerging from itself

tulip

ag teacht as an sneachta 

ag teacht aisti féin 

tiúilip

வெண்பனிக்குள்ளிருந்தும் தனக்குள்ளிருந்தும் துளிர்த்து எழுகிறது

டூலிப்

Tamil: Tamilmainthan John Richard

Haiku: Gabriel Rosenstock

Photo:Tamilmainthan John Richard

Teirpsicór

William Edward Frost

Is mise Teirpsicór

Bé an Damhsa ag déanamh ceoil

Bé an Cheoil ag déanamh damhsa

Seo linn ag pramsáil!

Nuair a Thagann an Bhochtaineacht

    George Frederick Watts

     Nuair a thagann bochtaineacht tríd an doras teitheann grá tríd an bhfuinneog 

Nuair a thagann an Bhochtaineacht

Imíonn an Grá

Cuirimis deireadh leis an mBochtaineacht

Agus deireadh le crá!

Tá billiúnaithe in Éirinn

Agus daoine eile ar dhrochphá!

Cén fáth sin in aon chor?

Cén fáth? Cén fáth?

Héibé

   Angelica Kaufmann - tugann Héibé deoch d'Iolar Iúpatair 

Is mise Héibé

Bandia na hÓige

Tugaim neachtar do na déithe

Agus ambróise

Thuas ar Shliabh Oilimpeas

Atá siadsan ina gcónaí

Is iolar é m'athair

Ar a bhfuil cleití crónbhuí

Ríomhphost ó Chara Anaithnid san Iodáil

    Bruno Liljefors

Nella notte abbiamo attaccato e reso inoffensivo un capanno utilizzato per la caccia alle anatre.

(I gcaitheamh na hoíche, d’ionsaíomar agus scriosamar seid fiaigh a úsáidtear chun lachain a dhúnmharú.)

 

Bogann na lachain

Bogann na lachain sa ghiolcach

Bogann na lachain go séimh sa ghiolcach

Is geall le bainne é

Is geall le bainne é an loch

Is geall le bainne é an loch faoin ngealach

Bogann na lachain

Bogann na lachain sa ghiolcach

Bogann na lachain go séimh sa ghiolcach

haiku

ó aois go haois 

aistear aonair an anama

 is é ag lorg brí

from age to age 

the soul's solitary 

quest for meaning

Haiku by Rosenstock

Art by Symes.

Ichabod Crane agus an Marcach gan Cheann

John Quidor 

 "Fóir orm! Fóir!"

Ar a chapall Púdar Gunna

Tá Ichabod Crane ar a theitheadh,

Ar a theitheadh ón Marcach gan Cheann

Ar a theitheadh ó scáil na sceiche.

        "Fóir orm! Fóir!"

Cloiseann sé sciatháin leathair

Cloiseann sé ulchabháin,

Gríosaíonn sé Púdar Gunna -

Tréan-iarracht eile amháin.

       "Fóir orm! Fóir!"

Ansin, cad a dhéanann an Marcach

Ach a cheann a chaitheamh le Crane!

Leagtar Crane bocht dá chapall

Agus sin agaibh críoch an scéil.

An Hiodra

Franz von Stuck 

Ba mharfach é a bholadh,

ba mharfach a anáil,

Dá mbainfeá cloigeann de

d'fhásfadh dhá cheann ina áit

Ach d'éirigh le hEarcail

an bua a fháil!

Má bhuaileann tú le Hiodra

bíodh claíomh órga i do lámh

Nó beidh tú sínte faoin bhfód

is tú i do chodladh go sámh! 

Mearcair

Hans Thoma

Is mise Mearcair

Dia na Tráchtála

Dia an Airgid

agus Dia na Cumarsáide

Ormsa an locht (sea, is dócha)

Má tá fadhb agat leis an bhfón póca

Nimfigh Choille

     George Spenser Watson

Nimfigh Choille

Ní ghlacann siad scíth

Bíonn siad amuigh

Ó mhaidin go hoíche

Nimfigh Choille

Amuigh ag spraoi

An obair bhaile acu

Comhaireamh réaltaí

Lúidín Óg Ó Murchú

Peter Newell

Lúidín Óg Ó Murchú

Bhí leipreachán as Co. Lú

Lúidín Óg Ó Murchú

Chaith sé an lá ag caitheamh dúidín

'Cur amú ama!' arsa Lúidín.

Haiku

folamh atá mo chroíse

tonnta tréana

ag teacht is ag imeacht

   mon coeur est vide

   de violentes vagues

   ont et viennent

                    Leagan Fraincise: Francis Combes

Spiorad na Síochána

                     Ernst Schiess

Cogar! An aithníonn tú mé?

Spiorad na Síochána.

Nochtaimse nuair a chloisimse

An focal draíochta, 'Fáilte!'

Cogar! An aithníonn tú mé?

Spiorad na Síochána.

Bímse i measc na sléibhte

Is fós ag siúl na mbánta.

Cogar! An aithníonn tú mé?

Spiorad na Síochána.

Cloistear mé in amhráin

Agus cloistear mé i ndánta.

Cogar! An aithníonn tú mé?

Spiorad na Síochána.

Cuir fáilte romham is geallaimse duit

Go mbeidh an domhan go hálainn!

haiku

Yoshino Yoshiko 

ar nós stocaí

a dheisiú, cóirímse m'aigne

is bogaim ar aghaidh

como si remendara medias

reparo mi mente

y continúo 

                         Spanish: Patricia Jimenez 

σαν να μπαλώνω

κάλτσες, φτιάχνω το μυαλό 

και συνεχίζω

                        Greek: Sarah Thilykou 

   comme on raccommode

  des chaussettes, je répare

  mon esprit et j'avance

                 French: Francis Combes

as tho darnin socks

ah fettle ma mynd

an haud forrit

                      Scots: John McDonald

  reparo a alma

  como quem cose meias

  e sigo adiante 

                    Portuguese: David Rodrigues

Bosca Phandóra

Dante Gabriel Rossetti   

D'oscail tú an bosca

Istigh ann bhí rudaí gránna,

Ach dhún tú ansin go tapa é

Is fágadh rud amháin ann.

      

Sea, a Phandóra

D'fhág tú ann an Dóchas!

Na Vailcírí

Peter Nicolai Arbo

Tá na Vailcírí chugainn

Is tá na préacháin leo

Go dtí Valhalla -

Go tír na marbh -

Go dtí Valhalla

Béarfaidh siad na beo

Seo chugainn iad ag marcaíocht

Tríd an bhfionncheo.

haiku

church in ruins

windows open

 to heaven

fothrach séipéil 

na fuinneoga oscailte 

do na flaithis

Haiku by Rosenstock

Art by Symes

haiku

fuinneog ar oscailt

deoir ar tí léim

ón urlár uachtair

                                            

fereastră deschisă-

o lacrimă mai că sare

de la ultimul etaj

                                        

Leagan Rómáinise: Olimpia Iacob

Má Fhaighimse Bás

Má Fhaighimse Bás

Má fhaighimse bás,

ní mór duitse fanacht beo

chun mo scéalsa a insint

mo chuid giuirléidí a dhíol

ruainne éadaigh a cheannach

agus cúpla téad,

(bíodh sé bán ags ruball fada air)

chun go mbeadh radharc ag páiste,

áit éigin i nGaza

agus é ag stánadh ar neamh

ag feitheamh lena dhaid a theith

agus lasracha thart air -

gan slán a rá le héinne

lena cholainn féin fiú amháin

leis féin fiú amháin,

chun go mbeadh radharc aige

ar an eitleog, m'eitleogsa a dheinis-se, ar foluain in airde,

agus ceapfaidh sé ar feadh meandair gur aingeal é

atá ag tabhairt an ghrá ar ais leis.

Má fhaighimse bás,

bíodh an dóchas tríd,

bíodh sé ina eachtra.

Refaat Alareer 

Trascruthaithe ag Gabriel Rosenstock. 

Féach freisin 

Oisín

           Johann Peter Krafft

'Cad a sheinnfidh mé dhuit?'

arsa an file, Oisín,

le Plúr na mBan -

b'in ab ainm dá iníon.

'Aon rud a sheinnfeá, 

a athair dhil,

Tá mé cinnte

go mbeadh sé go sárbhinn.'

'An seinnfidh mé amhrán

duitse, a iníon

Faoin gcuach a bhí tráth

i nGleann Neifín?'

'Aon rud a sheinnfeá, 

a athair dhil

Tá mé cinnte

go mbeadh sé go sárbhinn.'

'Nó an seinnfidh mé amhrán

duitse, a iníon,

Faoi do mháthairse Niamh

a leanas-sa thar toinn?'

'Aon rud a sheinnfeá, 

a athair dhil

Tá mé cinnte

go mbeadh sé go sárbhinn.'

Sheinn sé an t-amhrán

a bhí cumtha aige do Niamh:

An t-amhrán ab áille

a chum Oisín mac Fhinn.

Amhrán an Mhuisiriúin

     Marsden Hartley

Is muisiriún mise.

Muisiriúin muisiriúin muisirúin go deo!

Muisiriúin muisirúin - níl aon teorainn leo.

Muisirúin, muise!

Is muisiriún mise.

Muisiriúin muisiriúin - fás aon oíche!

Muisiriúin muisiriúin - go deo is choíche.

Muisiriúin, muise!

Qi Baishi

there was a bird once

facing east

some say it was facing west

bhí éan tráth

a raibh a aghaidh soir

siar a deir daoine áirithe

había un ave

que miraba al este

algunos decían que miraba al oeste 

                       

Leagan Spáinnise: Patricia Jimenez

Santoka

gile an tsneachta

ag líonadh an tí -

suaimhneas

                                      

străluce neaua, 

revărsîndu-se în casă -                                 liniște 

                                                                                Leagan Rómáinise: Olimpia Iacob

haiku

loscadh sléibhe -

nach ard é

glór na foraoise

                                        

 incendiu-

cît de tare răsună                       

pădurea toată

                                                                                Leagan Rómáinise: Olimpia Iacob