Duáin níl agam
ná líontáin,
le caitheamh
ar na huiscí suaite.
Gan agam ach grabhróga
do na héisc
atá ag feitheamh faoi bhun an droichid,
sa duibheagán,
a mbéal ar leathadh
agus iad amplach ar an dromchla.
Tá an t-arán caite agam
ar na huiscí
athshlánaithe,
mo chuid peacaí go léir,
ag súil le bliain eile
nuair a bheidh mo phócaí
folamh,
is faic eile le caitheamh agam
chun na n-uiscí.