Mo Shaol mar Scannán/ My Life as a Film

An Striapach, an tAinrialaí agus an Príomh-Raibí

Saothar haibun é seo, An Striapach, an tAinrialaí agus an Príomh-Raibí, an chéad saothar haibun sa Ghaeilge. Is é is haibun ann ná prós agus haiku ina orlaí tríd. Murab ionann agus go leor haibun eile, is haibun sruth smaointeachais é seo atá tógtha, cuid mhaith, ar shaothar de chuid ealaíontóirí agus grianghrafadóirí éagsúla.

Seachas sampla nó dhó atá le feiceáil, ní mór cliceáil ar an nasc chun breathnú ar an obair ealaíne. (Ní gá go mbeadh gach píosa ealaíne mar chuid den leabhar a thiocfaidh as seo, is é sin, má tá sé le foilsiú in aon chor!).

D’fhéadfadh haiku teacht i dtús, i lár nó i ndeireadh an phíosa próis. Níl aon riail dhocht ag baint leis sin.

Gné lárnach den ábhar leabhair seo is ea an teagmháil a dhéanann daoine atá ar shlí na fírinne leis an reacaire, an triúr seo ach go háirithe: striapach a rugadh in Llanelli na Breataine Bige; ainrialaí Rúiseach a thuill cáil di féin i Meiriceá agus san Eoraip an dara duine; an tríú pearsa ná duine a bhí tráth mar Phríomh-Raibí againn in Éirinn.

Angelus Novus

Dánta agus Pictiúir de chuid Paul Klee

Aiste Ómóis le Gabriel Rosenstock

Réamhrá

Ní raibh clú ar Klee – thaitneodh na fuaimeanna páistiúla sin leis – ní raibh clú air mar fhile lena linn mar nár foilsíodh oiread is dán amháin leis fad ba bheo dó. Is mar dhuine d’ealaíontóirí móra an domhain a aithnímid inniu é. Níor thángthas ar dhánta leis go dtí tar éis a bháis. Ní Gedichte (‘dánta’) a thug sé féin orthu ach focal a chum sé féin, Geduchte (‘dúnta’, más maith leat).

(Tá an aiste ar fáil thíos)

Rogha Dánta K. Satchidanandan le híoslódáil saor in aisce

Leabhar gairid ar haiku BASHO le híoslódáil saor in aisce

Towissakos

Cad is brí leis an bhfocal 'Towissakos'? Tá freagra na ceiste sin sa dráma beag aonghnímh seo. 

Íoslódálacha

1. Haiku le Petar Tchouhov. An chéad leabhar Gaeilge-Bulgáiris.
2. Dánta le Rati Saxena. An chéad leabhar Gaeilge-Hiondúis.
3. Sasquatch, leabhar filíochta dátheangach.
4. Through the Elms and the Sycamores, gearrscéal i mBéarla le Ray Rosenstock (deartháir le Gabriel)
5. Clúdach The Naked Octopus
6. An Cat agus an Ghealach, aistriúchan ar dhráma le W. B. Yeats
7. Tairseach an Rí, aistriúchán ar dhráma le W. B. Yeats
8. Dánta le Hilde Domin
9. Gabriel Rosenstock & Greg Rosenstock ag ól sláinte Edward Snowden
10. Damhsaí Deireanacha, dánta le Grass
11. Dánta le Michael Krüger
12. Dánta le Günter Kunert
13. Dánta le Munir Niazi
14. Bliain an Bhandé, cnuasach dátheangach

Cervantes

An lá breithe céanna agam is atá ag Miguel de Cervantes (29 Meán Fómhair). Dráma beag aonghnímh le léamh anseo nach mbeadh scríofa agam murach El Quijote.

Nóibhille le Pádraig Ó Cíobháin

Ar fáil anseo le caoinchead an údair

Ar an lá seo 19 Meitheamh

	Ar an lá seo 19 Meitheamh, 2005, cailleadh Michael Davitt.
Bhí sé fós ina bheatha nuair a scríobhas an aiste seo mar gheall air, Naomhóg ag Déanamh ar an nGréin.   An Faoileán, amhrán a chum sé:     'Thíos ar an trá     Is an mhaidin ag pléascadh sa chuan ...' Ní rithfeadh sé le héinne an briathar sin a úsáid mar sin, 'an mhaidin ag pléascadh sa chuan'. B'in an fuinneamh agus an tsaoirse a tháinig le INNTI. An pléascadh a bhí riachtanach! An briseadh amach (is isteach). Davitt faoi ndeara é.

Ar an lá seo 13 Meitheamh

	Ar an lá seo 13 Meitheamh, 1865, rugadh W B Yeats.
Is féidir dráma leis, Tairseach an Rí, a léamh anseo. Tá bailiúchán dánta leis aistrithe go Gaeilge faoin teideal Byzantium. Cló Iar-Chonnacht a d'fhoilsigh:

Ar an Lá seo 6 Meitheamh

	Ar an 6 Meitheamh, 1961, cailleadh Carl Jung.
Tá páirt aige san úrscéilín gairid liom Ríocht na Cailce. Is féidir é a íoslódáil saor in aisce anseo – ní Jung, atá i dTír na nÓg, ach an t-úrscéilín (mura bhfuil aon rud níos fearr le déanamh agat).

Clann na nÉan

Úrscéilín gairid do dhéagóirí, Clann na nÉan, ar fáil anseo saor in aisce.

Bliain iomlán a chaith mé faoi thalamh. Sa séarach.
Níl teastas, dioplóma ná céim agam dá bharr. Tá rud
níos luachmhaire agam. Eochair na beatha.

Ar an lá seo 7 Bealtaine

	Ar an lá seo 7 Bealtaine, 1861, rugadh Rabindranath Tagore.
Is féidir leabhar neamhghnách leis Éanlaith Strae a cheannach anseo nó a íoslódáil anseo.

Leabhar le hÍoslódáil: Cuach Ó Aois Eile ag Glaoch

Is féidir le léitheoirí an bhlag seo an cnuasach nua filíochta le Gabriel a léamh anseo, Cuach Ó Aois Eile ag Glaoch (Coiscéim):

Susanne Sa Seomra Folctha

Eagrán nua dem chéad leabhar filíochta Susanne Sa Seomra Folctha le híoslódáil saor in aisce anseo.

Leabhar haiku agus haibun le híoslódáil saor in aisce/ FREE DOWNLOAD

Ar fáil anseo: