Nisargadatta

A haiku, in Irish and English, by Gabriel Rosenstock to honour the great Indian sage, Sri Nisargadatta Maharaj. Filmed and produced by Masood Hussain (Kashmir) for Inner Soul Films. Enjoy!

Smaoineamh an Lae: Nisargadatta Maharaj

 

Ceist: Míníonn an eolaíocht  a lán . . .

Maharaj: Baineann an eolaíocht le hainmneacha, le cruthanna, le cáilíochtaí is cainníochtaí, le patrúin is dlíthe; tá an eolaíocht ceart go leor ina háit féin. Ach tá an saol ann le caitheamh; ní bhíonn am againn le haghaidh anailíse. Caithfear freagairt dó ar an toirt - sin an chúis a bhfuil tábhacht leis an ní spontáineach, nach dtógann am ar bith ort. Mairimid agus bogaimid i réimse aineoil - ní heol dúinn ach an rud atá thart.

Smaoineamh an Lae

An rud a athraíonn, níl sé fíor,

ní athraíonn an rud atá fíor.

Anois, cad atá ionatsa

nach n-athraíonn?

                    *

In áit an rud nach bhfuil agat

a lorg,

aimsigh an rud

nár chaill tú riamh.

                        *

Tabhair faoi deara gur neach comhfhiosach thú

agus aimsigh foinse

an chomhfheasa. Sin uile.

Sri Nisargadatta Maharaj

Sri Nisargadatta Maharaj

Ná bí ag brath ar an aigne chun saoirse a bhaint amach. 

An aigne a chuir i ndaoirse thú.
Gabh lasmuigh di go huile is go hiomlán.