2020-12-30

Henri Moret

sos caife san oifig -
smaoiníonn rúnaí ar mhothú
ar bholadh an fhéir
office coffee-break -
a secretary recalls the feel
the smell of grass
事務休憩
ふと思い出す
草いきれ
offish speel -
a secretar mynds the snowk
o girss...the feel o't

2020-12-29

Errico Malatesta

Ní mian linne, ainrialaithe, daoine a shaoradh; is mian linn go saorfadh daoine iad féin.
Errico Malatesta (1853 -1932)

2020-12-28

Aireachas

Tagann an t-earrach leis na bláthanna, an fómhar leis an ngealach,
An samhradh leis na leoithní, an geimhreadh le sneachta;
Nuair nach ngreamaíonn nithe gan tairbhe san aigne,
Sin é an séasúr is fearr.

Wu-men Huai-kai (無門慧開 Mumon Ekai) 

2020-12-27

Smaoineamh an Lae

Ar an bhféarthalamh a rugadh mé, áit ar shéid an ghaoth gan bhac is gan aon ní ann a bhrisfeadh solas na gréine. Rugadh mé in áit nach raibh banrach ná fál agus saoranáil ag an uile ní. Is ann is mian liom bás a fháil agus ní laistigh de bhallaí.

Parra-Wa-Samen (Deich mBéar)

2020-12-26

ÉIN NACH bhFEICTEAR : 100 tanka

Foilsíodh cuid de na Tanka seo ar Poetry Ireland Review agus Comhar. Foilsíodh leaganacha dátheangacha nó leaganacha Béarla de chuid díobh ar Pinterest agus san iris Modern Literature (Chennai).

Bhronn an Chomhairle Ealaíon sparánacht ar an údar sa bhliain 2020 chun tionscadail tanka a fhorbairt. Céim amháin sa treo sin is ea an cnuasach féinfhoilsithe seo, an chéad chnuasach tanka sa Ghaeilge.


2020-12-24

A small tree of tender leaves

 I have followed the stellar haiku career of K. Ramesh for a long time and have translated some of his earlier work into Irish. He is a national treasure. A body such as Sahitya Akademi should give him an award, not just to recognize his own outstanding gifts as a haijin (haiku master) but to acknowledge the part that haiku now plays in the literary life of India and that of dozens of other nations across the globe.

This is an age in which ecopoetics has come into its own and haiku should be to the forefront in this universal movement. Why? Firstly, haiku is known for its keen response to environmental and seasonal phenomena. Secondly, the greatest haijin are those who eschew self-obsession and the cravings of the predatory ego.

winter morning . . .
the farmer’s sneeze
startles the newborn calf 

This could have been written by the immortal master Issa whose haiku – over 20,000 in all – are infused with memorable tenderness.

wedding hall . . .
a butterfly lingers
around artificial flowers

I have read similar haiku and yet the tiniest difference is enough to allow a haiku such as this a complete life of its own, a moment quietly and unobtrusively observed.
Ramesh works as a teacher in a Krishnamurti school in Chengalpattu. How lucky are the children under his care:
              
sugarcane harvest  . . . 
every boy in the village 
gets a piece to chew

Haiku take up little space on the page so it’s a pity that a second Indian language wasn’t included. When all is said and done, haiku have extra resonance and nuance in the ancestral tongue. How could it be otherwise?
Haiku can bring us from the microcosm to the macrocosm in the blink of an eye which means that it is both a literary genre and a purifying, spiritual exercise for poet and reader alike:

power failure  . . .
I step into the night
of the Milky Way

This is simply sublime! The Milky Way was also a favourite theme of the above-mentioned Issa, as in this haiku from the year 1802:

it flows
into my home village . . .
the Milky Way

There are many ways of looking at a haiku. No two readers are exactly alike. This next haiku might amuse some readers. Others will sense abject loneliness:

barber shop . . . 
only one fish left
in the aquarium

Haiku has the ability to zoom in on a moment, a reality, a happening – making that moment real for us, as real as anything else that might be happening in the universe. Haiku is an awakening. And who is to say what happenings are more significant than others?

winter night  . . .
mother and I search
for a pill on the floor

There are haiku in this collection which equal the works of such grandmasters as Buson and Bashō (who both wrote memorably about herons):

a heron’s pulsing throat . . .
the river thin
on the river bed

There is so much sensibility and intelligence at work in this absorbing collection that it’s hard to pick a favourite among so many jewels:

long afternoon  . . .
the church spire shade
reaches the beggar

Any anthology of Indian writing which focusses on communalism should include this outstanding haiku:

village asleep . . . 
a crescent moon
over Shiva’s temple

Published by Cinnamon Teal, Goa, 2020
Reviewed by Gabriel Rosenstock


2020-12-23

Ahmed Morsi - The White Mask

"The White Mask"
Acrylic on canvas
207 x 156 cm
New York City - 2009
uaireanta, a chuid
nuair a thugaim isteach im' chroí thú
téim amú ann    athraíonn tú mé
        múnlaíonn tú mé    cuireann athord
        ar imlínte mo shaoil
sometimes, beloved
when I bring You into my heart
i don't know where I am
        You change me! You shape me
        rearrange the contours of my being

2020-12-22

Ainrialachas

 
Ní anseo dom
i gcábáin na mbocht:
an náire agus an galar
is an bás lomnocht

Ní nuair a bhíonn an croí
is an intinn faoi shuan
is dearmad déanta agam
ar an ainnise bhuan

Ach nuair a chloisimse 'saoirse'
sea, is 'ord'  agus 'dlí'
ó na maithe is na móruaisle
agus léan orthu - na bourgeoisie!

Is ansin a líontar mé
le fuath, le crá is le brón:
leagaimis an teampall mór acu
tá suaimhneas uainn, fá dheoidh

Francis W. L. Adams

2020-12-20

Oiche Amháin Chuir Dia Rún im’ Chluas i gCogar


Oíche amháin chuir Dia rún im’ chluas i gcogar
Bhí fhios agam gur rún ab ea é mar bhí fonn orm é a scaipeadh;
Is mar sin a thuigimid a luachmhaire is atá an smaoineamh.
Is geal linn púróga gan mhaith is scaipimid seoda ar an mbóthar mór;
Sin gaois an domain anois duit!
Ar mhaith leat go mbeadh gach fear sa tóir ort?
Caith caille!
Má tá rud éigin agat le tabhairt uait – caith amach an fhuinneog é;
An té atá ina ghátar tiocfaidh sé agus a shúile dírithe ar an bhfód.
Má tá earra sárluachmhar uait – ná hinis d’éinne é.
Seans go dtiocfaidh tú air agus súile na Cinniúna ag breathnú sa treo eile.

ONE night God whispered a secret in my ear.
I knew it was a secret because I longed to tell it;
Thus may we always know how valuable is a thought.
We treasure the worthless pebbles and scatter the jewels on the highway;
Such is the wisdom of the world!
Would you know a way to make all men seek you? Wear a veil!
If you have something to give -- throw it out of the window;
The one who needs it will come along with eyes bent on the ground.
If you desire something of real value -  tell no one.
You will find it maybe when the eyes of Destiny are turned the other way.


"One Night God Whispered a Secret In My Ear" as an leabhar Songs of a Vagrom Angel. Elsa Barker. Nua-Eabhrac: Mitchell Kennerley, 1916.


Yin nicht The Almichty fuspert a saicret i ma lug.
A kent it wis a saicret fir a hud a greenin tae threep it oot;
An sae lang mey we ken the vailyie o a thocht.
We treisur the wanwirthy chuckies an skail wallie gowdies on the causey;
Sic is the wiceheid o the warl!
Wid ye ken onie wey tae mak aw men green fir ye? Weir a veil!
Gin ye hae oniethin tae gie - fling it oot the winnock;
The yin whae hus need o't'll cum danderin by een tae the grun.
Gin ye green fir sumhin o real vailyie - tell naebodie.
Ye'll fund it aiblins whan the een o Destiny's turnt the ither wey.

Leagan Béarla na hAlban le John McDonald


2020-12-19

Inkanyamba

George Pemba Inkanyamba (1987)
búir tornádó...
céile á lorg
ag an incanyamba
roar of a tornado...
the inkanyamba is looking
for a mate
rair o a spirewind...
the inkanyamba is leukin
fir a marrae
竜巻の轟音
インカニヤンバ
友をみる

2020-12-18

Simone Martini

 

Annunciation with St. Margaret and St. Ansanus (detail)
 Simone Martini


an colaimbín
a mháithrín . . .
brisfear do chroí


2020-12-17

Ahmed Morsi: "Flute Player (2)"

"Flute Player (2)"
Acrylic on canvas
130 x 80 cm
New York City - 2004
i heard an air
that has no name
far and near it has traveled
        i weave it into my songs
        for You, and all my longing
chuala aer
nach raibh aon ainm air
thaistil sé i ngar is i gcéin
        tá sé fite duitse
        trím' laoithe agam, trím' dhúil

2020-12-16

Haiku

 








feithidí ceoil
ina mílte  . . .
is ceann acu as tiúin

2020-12-15

Haiku le Issa

Monet


é ag stánadh orm
gan staonadh…
buaf i measc na nduilleog báite

我見ても久しき蟾や百合の花
ware mite mo hisashiki hiki ya yuri [no] hana


 

2020-12-11

Ahmed Morsi - Poetry (1)

Poetry (1)"
Acrylic on wood
118 x 118 cm
New York City - 2005
tá mo chuid laoithe
ag ithe a chéile
nuair nach n-itheann tusa iad
        alpann dán an dán eile
        feoil mo chroí mar fhéasta acu
my songs, beloved
are eating one another
since You do not eat them
        song eats song
        feasting on the flesh of my heart

2020-12-10

An Briseadh Síos Mór





 as an duanaire Singing in the Dark:

Tar éis roinnt seachtainí, nuair a stop an uile ní
ar fud an Domhain ar fad,
ba léir i dtobainne:
go bhféadfadh an spéir a bheith gorm,
gur tábhachtaí beatha an duine ná an t-airgead,
agus i measc na dtráchtearraí go léir a tháirgtear
tá cuid acu gan tairbhe
agus i gcás na n-earraí riachtanacha
is leor dhá uair a chloig oibre, nó trí, sa lá
agus ba chóir dúinn riachtanais na beatha
a thabhairt do gach éinne
agus aire a thabhairt do na nithe atá tábhachtach:
grá, leanaí, an bheatha, an fhilíocht . . .

Nuair a stop an uile ní
ar feadh roinnt seachtainí
ba léir, timpeall an Domhain
nach raibh ach farraige amháin ann,
atmaisféar amháin
aon chine daonna amháin.

Francis Combes




2020-12-09

Haiku le Issa

cailltear an loch
de réir a chéile sa cheo…
titeann an tráthnóna

湖のとろりとかすむ夜也けり
mizuumi no torori to kasumu yo nari keri

2020-12-08

Yongjia Xuanjue

 

    an ghealach san uisce
    conas is féidir
    í a phiocadh amach?

2020-12-07

Slán, a Shimné

 

Dúirt Daid uair amháin
má bhí simnéithe arda ann
agus gal ag teacht as na simnéithe sin
gurb ann a bhí tionscal ceart.

Sá lá atá inniu
tá a gcuid modhanna athraithe ag go leor monarchana;
gás nádúrtha ag cuid acu, coire leictreach ag an gcuid eile;
is féidir sceitheadh ón ngás nádúrtha a athchúrsáil mar acmhainn in-athnuaite,
agus níl múch ar bith ón gcoire leictreach.

Níl deatach ag teacht ón simné níos mó. 
Tá súil agam nach bhfuil fonn a leagtha ar éinne.
Seasadh sé go hard, mar chomhartha, mar chuimhne,
ach teastaíonn ó na hardoifigigh é a leagan.
Lá amháin, bhaineamar leas as inphléascadh treoch;
chuala mé toirneach, is thit an simné ina phleist.

Bhraitheas go hainnis mar gheall air go ceann i bhfad
agus chuimhníos láithreach ar m'athair a dtaitníodh píopa tobac go mór leis.
Choinníos na deora siar agus arsa mise liom féin im' chroí istigh:

Slán, a shimné,
Slán, a sheanleaid.

Long Xiaolong
[Duck Yard Lyricists a chuir Béarla air: Meifu Wang, Michael Soper, Peter Micic & Johan Ramaekers]


2020-12-06

Kito

 




    dusma tráthnóna 
    nithe a tharla fadó . . .
    nach fada uainn iad!

2020-12-05

Feartlaoi

 

Tá an trúbadóir dothraochta ina luí anseo.
Bhíodh a a chroí á iompar thart aige de shíor,
Ag canadh gach áit dá mbíodh sé.
Faoi shuan atá sé faoi láthair
agus deich gcnuasach filíochta faoina philiúr aige.

Sna scríbhinní aige, chuir sé an-dua air féin
chun clocha a mholadh - na clocha  stobarnáilte úd leis na ciuimheasanna garbha,
iad i ngleic le gaotha is gálaí.


Sna véarsaí aige, thaitníodh sé leis cur síos ar fhiailí,
fiailí a satlaíodh ainmhithe orthu,
agus na cinn a bheadh creimthe ag éan is brúid.
Bíonn a gceann sa spéir ag plandaí faoin mbáisteach.
Anuas air sin, dhein sé cur síos níos mó ná uair amháin
ar ghnáthbhláthanna fiáine
agus bláthanna fiáine gleoite de gach sórt.
Phioc sé an ceann ba dheise díobh, de láimh,
is thug abhaile leis í
mar bhrídeach.
Sa chuid eile dá scríbhinní, tháinig mallachtaí uaidh in ainm a choinsiasa.
Mhallaigh sé na hoícheanta dorcha,
daoine is nithe a bhí chomh dorcha leis na hoícheanta sin.

Mhaslaigh sé go leor daoine agus bhí droch-cháil air dá dheasca sin.


Xin You 辛酉
(1981—2011)
as 21st Century Chinese Poetry, No. 1

2020-12-04

Winter

Ron Rosenstock
dorchaíonn an spéir...
a ghaotha an ghemhridh
fanaigí amach uainn!
the sky darkens...
wintry winds
stay away!

2020-12-03

Luimneach

Arsa bean a bhí saghas ina hóinmhid
Tá rud éigin orm - an Chóivid?
          Dhéanfadh  filíocht mo leas
          Sea, bheadh dán beag go deas
 Cad faoi Metamorphoses le hÓivid

2020-12-02

Ahmed Morsi: "Eyeing Time"

"Eyeing Time"
Acrylic on canvas
199 x 154 cm
New York City - 2000
sciob tú gach soicind
gach nóiméad is uair an chloig
den lá is den oíche uaim
        ní thig leat iad a thabhairt ar ais
        ní liom níos mó iad
You snatched every second
every minute every hour
of day and night from me
        You cannot give them back
        they are no longer mine

2020-12-01

Cén fhaid a bheir sa tóraíocht?

 (as Comhdháil na nÉan)

Cén fhaid a bheir sa tóraíocht ar an áilleacht abhus?
Cuardaigh an ní dofheicthe is nochtfaidh an áilleacht.
Nuair a ardófar an chaille dheiridh ní fheicfear go brách arís
An duine ná a ghlóir,
Meathfaidh an chruinne, beidh an mórdhráma thart,
Is titfidh an brat.

Iad siúd a ghráigh cruth is cló
Beidh cloch sa mhuinchille acu dá chéile, beidh an gean ar lár.
Iad siúd a ghráigh an Cara nach bhfeictear (atá as baile),
Cónóidh siad Leis go brách na breithe.


Farid ud-Din Attar


2020-11-30

Solas na Gealaí

 

Nuair a dhúisíos as mo shuan aréir
chonac go raibh an ghealach ina seasamh sa seomra
agus barraí iarainn na fuinneoige
ina luí ar fud an urláir


Mohammed Alvi


2020-11-29

Seanaois

 
Jason Symes

.よるとしや涼しい月も直あきる
yorutoshi ya suzushii tsuki mo sugu akiru

old age -
tired of looking
at the cold moon

 

seanaois -
bréan de bheith ag breathnú
ar an ngealach fhuar

 

Issa (1812)

2020-11-28

D’fhéadfadh focal amháin an aghaidh a ghealadh

D’fhéadfadh focal amháin an aghaidh a ghealadh –
Aghaidh an té a thuigeann luach na mbriathra.
Nuair a aibíonn sé sa chiúnas
Tagann flosc chun saothair ar an mbriathar aonair.

D’fhéadfadh focal amháin deireadh a chur leis an gcogaíocht
Nó cneácha a leigheas
Agus tá focal ann a dheineann im is mil
Den nimh.

Lig don bhriathar aibiú ionat.
Tarraing siar an smaoineamh neamhaibí.
Seo leat, tuig an briathar
A dheineann deannach d’airgead is de mhaoin an tsaoil.

Tuig nuair a bhíonn géarghá le siolla
Agus tuig nuair nach ceart aon ní in aon chor a rá.
D’fhéadfadh an briathar ocht bparthas Dé
A dhéanamh den chruinne ifreanda.

Lean an tSlí. Ná lig don eolas atá cheana agat
Dallamullóg a chur ort.
Bí ar t’airdeall. Féach an abhainn
Sula dtéir ina cuilithe.

Is minic a bhris béal duine a shrón.
A Yunus, abair rud amháin eile
I dtaobh chumhacht an fhocail:
Mise an t-aon fhocal a thagann idir mé is Dia.

Yunus Emre

 

2020-11-27

Light in the forest, The imperial Palace Gardens, Tokyo

Ron Rosenstock
siúlann an tImpire
sa ghairdín . . .
dearmad déanta aige gur dia é
the Emperor
walks in the garden . . .
forgetting he is a god

2020-11-26

Finné

I dtús ama
chuimil an áilleacht sin
a shnasaigh scáthán na cruinne
gach uile adamh
le céad míle grian.

Ach ní raibh éinne ina fhinné
ar an nglóir sin.

Níor tuigeadh aon ní
gur nocht súil an duine.

Abdul-Qader Bedil


2020-11-25

Kit Williams

Kit Williams
Watching the Swallows Go
1979

scaoileadh leat ab ea
ach níl ciall ar bith leis sin
scaoileadh liom Féinig?
        fáinleoga ag bailiú leo
        táimse cheana ar imirce
should i let You go
but that makes no sense at all
let go of my Self?
        swallows fly to Africa
        i’ve migrated already

2020-11-24

An Mac Tíre

 

Le tamall anuas tá mac tíre ionam.
Níl áireamh ar na caoirigh is na ba atá tugtha agam dó;
Mura dtabharfainn a sháith dó, thosódh sé ag liú,
is stróicfeadh sé as a chéile mé.

  Cén fáth a gcoinnímse mac tíre ionam
  agus go mbíonn orm sclábhaíocht a dhéanamh    
  lá i ndiaidh lae d'fhonn é a chothú,
  agus gaois a thabhairt ar an rud is lú ar
  bith,
  om-mani-padme-hum á rá agam ar mhaithe le sólás?

An mac tíre seo ionam, níl sé uaim,
ach ní fhéadfainn díreach é a mharú.
Ligim dó mo chuid fola a ól, mo cholainn a ithe,
agus a fhios agam nach mbacfaidh sé leis na cnámha.

Yang Zi 杨梓

2020-11-23

a bhean Lót

 

Lot's Wife,
40 x 20 cm,
painting on wooden panel,
Julia Stankova
 




 

    a bhean Lót

    ná déan!

    ná féach siar . . .

2020-11-21

Deineadh uisce dhíom

 Deineadh uisce dhíom
is chonaic mé mé féin
mar mheabhalscáil 
Deineadh aigéan díom
is chonaic mé mé féin
mar ruainne cúir
Ghnóthaíos Airdeall
is ba léir dom
nach raibh i ngach ní ach díchuimhne
Dhúisíos
is fuaireas amach
go rabhas im’ chodladh

Binavi Badakhshani

2020-11-20

A Thiarna

A Thiarna, tabhair croí dhom
Is féidir a dhoirteadh amach le buíochas.
Tabhair saol dom
Chun go gcaithfinn é
Ag saothrú ar son shlánú an domhain.

Khwaja Abdullah Ansari


2020-11-19

Santoka

 



glór na dtonn
i gcéin, gar dom;
cén fhaid eile agam abhus?


2020-11-18

Ahmed Morsi

"Untitled"
Acrylic on canvas
113 x 61cm
New York City - 2005

gáireann abhlóirí fúm
is ritheann deora leo
an tóraitheoir, féach air
        ag cuardach thall is abhus
        an té úd as El Toboso
jesters laugh at me
tears roll down their cheeks
the seeker, there he goes
        still searching everywhere
        for the one from El Toboso

2020-11-17

Tugaigí grá dá chéile...




Tugaigí grá dá chéile, ach na déanaigí banna den ghrá:
Bíodh sé mar mhuir a ghluaiseann idir chladaigh bhur n-anama.
Líonaigí corn a chéile ach ná hólaigí as aon chorn amháin.
Tugaigí arán dá chéile ach ná hithigí den bhuilín céanna.
Canaigí agus damhsaígí le chéile, ach bíodh gach duine leis féin,
Faoi mar is leo féin iad sreanga na liúite cé go gcuireann an ceol céanna iad ar crith.
Tugaigí bhur gcroí dá chéile, ach ní le cur i dtaisce.
Lámh na Beatha amháin is coimeádán an chroí ann.
Agus seasaigí le chéile ach ní róghar dá chéile:
Mar is scartha óna chéile a sheasann colúin an teampaill
Agus ní ar scáth a chéile a fhásann an dair agus an chufróg.

Kahlil Gibran


2020-11-16

Graifítí an Lae: Dave Andrews

 

Ba é Íosa Críost an sampla ab fhearr den fhíor-ainrialachas - an t-ainrialaí cruthaitheach síochánta par excellence - agus é ag oibriú ní ón mbarr anuas ach ón mbun aníos leis na bochtáin, agus an chuid ba bhoichte de na boicht, d'fhonn daoine a chumasú i dtreo is go dtuigfidís a n-acmhainneacht mar fhir agis mná a cruthaíodh ar dheilbh Dé.

Dave Andrews


2020-11-15

Issa - 1803

arís inniu
Jason Symes

mé ag druidim leis an mbás…
blátha fiáine

.けふも死に近き入りて草の花
kyô mo shinu ni chikaki irite kusa no hana

and again today
death comes closer…
wild flowers

(1803)

2020-11-14

 

Pieter Brueghel the ElderTower of Babel,
originally from Google Art Project., Public Domain, Link

 

Túr Bháibil…
murach é
ní bheadh aon fhocal Gaeilge againn

2020-11-13

Okéanos

 

Gilles MAIRET, Public domain, via Wikimedia Commons
Petra, Jordan. Mosaic of the god Oceanus (Ωkεανός)

eaglais san Iordáin  . . .
tá dia na mara 
breá tirim

2020-11-12

Layla

Gar go leor dá háit chónaithe a bhíos
Nuair a chuala mé Layla ag glaoch.
An guth sin, d’fhéadfainn éisteacht leis go brách na breithe.
Thug sí taitneamh dom, tharraing chuici féin mé,
Thug isteach ina dúiche mé,
Labhair sí liom i mbriathra séimhe.
Chuir sí ina suí in aice léi féin mé, is dhruid níos gaire,
D’ardaigh an clóca a bhí idir mé agus í,
Is bhí alltacht orm is ionadh,
Chuir a háilleacht mearbhall orm.
Thóg sí mé is líon le hiontas mé,
Is chlúdaigh mé ina croí istigh,
Go dtí gur mheasas go mba ise mise,
Is bhíos i ngreim aici.
D’athraigh sí mé is chlaochlaigh mé,
Is d’fhág sí orm a sainchomhartha,
D’fháisc chuici mé, chuir uaithi mé,
D’ainmnigh mé mar a ainmníodh ise.
Chreach sí mé, dhein smidiríní díom,
A raibh fágtha díom á thumadh aici ina cuid fola.
Ansin, tar éis mo bháis, d’ardaigh mé:
Tá mo réaltsa ag lonrú san fhirmimint aici.
Cá bhfuilim idir chorp chleite is sciathán
Cá bhfuil m’anam uaim? Go deimhin, 
Is ag lonrú uaithise a bhí –
Rúin a bhí ceilte orm.
Ní fhaca mo shúile riamh ach í:
Níl fianaise acu ar aon ní eile.
Ise is brí le gach uile bhrí.
Glóir go deo dá Cruthaitheoir!
Más mian leat cur síos a dhéanamh ar an áilleacht
Glac chugat féin cuid dá gile anseo
Glac uaimse í. Is í mo chuid ealaíne í.
Ní baoth-nós agam é.
Ní bréag a d’inis mo Chroí
Nuair a nochtas ár gcumann rúnda.
Más scriosta atáim is mé an-an-ghar di
Is uirthi a mhairim fós i gcónaí.

Ahmad al-Alawi


2020-11-11

An Íoslainn / Iceland

Ron Rosenstock
21ú haois…
caoineadh ciúin
na n-oighearshruthanna croíbhriste
21st century…
silent keening
of broken-hearted glaciers

2020-11-10

Ag teacht trí sheans ar shneachta

Cuma álainn an luaithrigh atá ar shneachta.
Ceileann sé a scáil 
Ligeann sé air a bheith éadrom. 
Ní scríobhann sé faic
Ach fágann leathán páipéir ann
Don té a bhfuil fonn air scríobh.
 
Ligeann sé air nach raibh sé riamh ina thine,
Nó ina chrann
Roimis na tine,
Nó ina bhláth
Sula raibh sé ina chrann.
 
Ligeann sé air nárbh uisce riamh é,
Ar nos péarla
A bheadh idir
Na beola ag duine éigin.

 
(Meifu Wang & Michael Soper a chuir Béarla air)