Conas péire cuarán nua a cheansú

ná coinnigh le chéile iad

ná lig dóibh labhairt lena chéile

 

d’fhéadfaidís ceardchumann a bhunú

 

ná fág go deo iad gar

do chlog balla, leabhair ar an dlí, féilire, bratach náisiúnta

portráid de gandhi ná nuachtán

ar eagla go bhfaighidís amach faoi

lá na saoirse, satyagraha,

laethanta saoire, uaireanta oibre, íosphá agus

caimiléireacht

 

ná tabhair chun an teampaill iad

gheobhaidís amach láithreach go bhfuil tú lag

gur dia bréige é do dhia-sa agus luífidh siad ort

 

ná tabhair in aice leis an mbord seomra bia go deo iad

d’fhéadfaidís bia a lorg

nó an drochshúil a chaitheamh ar do dhinnéar blasta

 

úsáid ar dtús iad le haghaidh siúlóidí gearra

ansin cuir leis an bhfad de réir a chéile

 

na bíodh a fhios acu go deo an méid oibre is gá dóibh a dhéanamh

scaoil na strapaí teanna

lig dóibh a bheith sona

 

tá siad ag éirí níos mó

smear roinnt sean-ola ar na strapaí garbha

le go mbraithfidís ungtha

 

oibrithe maithe ceansaithe anois iad

ullamh chun ragobair a dhéanamh

 

do do chosa ramhra

Gopal Honnalgere (1942-2003)

White Lily, Vinalhaven, Maine

Ron Rosenstock
gabhann milliún bliain thart in aon soicind amháin . . . dúiseacht an anama	a million years fly by in a second . . . the soul's awakening

Ferdynand Ruszczyc

tusa an teach solais mo dhoircheacht is cúis leat tá mé ag brath ort         tá tusa ag brath ormsa         grá dorcha dod' chothú

You are the lighthouse my darkness created You we need each other         what's Your purpose without me         dark love it is that feeds You

Taj Mahal

Ar éigean má thugann na páistí faoi deara é

Is iad ag dul ar scoil, é ar a chromada

san abhainn mar tharbh dronnach

a ruball á bhagairt aige ó am go ham

ar an slua de thurasóirí

cosnochta. Tá siad bailithe leo anois,

an t-impire agus an bhanríon ab ansa leis,

le trí chéad bliain

nó mar sin. Ach an lasair mharmair seo

gealach eile an Domhain, féach

mar a chuimlíonn sí salann mín luachmhar

le créacht an ghrá leatromaigh

R. Parthasarathy

Eduardo Viana

	is leor d'ainmse is critheann sreanga an ghiotáir tugtar éisteacht dóibh         is é d'ainmse, a shearc         a chraobhscaoileann a gcuid rún
	Your name is enough and the guitar strings tremble they long to be heard         it is Your name, beloved         that releases their secret

Vajda Lajos

briathra na saoithe an bhfanfaidh siad, a chuisle tar éis mionchainte         táid cheana á leá i dtost         basctha brúite 'na neamhní

the words of the wise will they rise above chatter and remain, my love         no, they dissolve in silence         and break into nothingness

Paula Modersohn-Becker

is bóthar fada é bhíos anseo cheana, a chuid aithním gach casadh         ach nílim in ann dul siar         níl thiar ansin ach taibhsí

ah, it's a long road and yes, i've been here before i know every turn         and yet i cannot go back         nothing behind me but ghosts