Mantra na humhlaíochta é an mantra seo, mantra a thabharfaidh amach asat féin thú agus a osclóidh foinse na lúcháire agus an ghrá dhuit. Mantra is ea é chomh maith díreach chun scíth a fháil.
Is é is brí le gú ná dorchadas agus is é is brí le rú ná solas: Gúrú gúr gúrú gúr wahe gúrú.
An fórsa sin a thugann ón dorchadas go dtí an solas sinn, sin é an gúrú. Fuaim is ea wahe chun lúcháir a chur in iúl.
Cuireann an mantra seo i dteagmháil leis an bhfíor-thusa (gan ego) thú.
Gúrmúicis an teanga, teanga atá gaolmhar leis an tSanscrait. Ach cad is mantra ann sa chéad áit? Deirtear sa leabhar The Ancient Language of the Soul: the Mystic Knowledge of Mantra le Nehemiah Davis gurb é atá ann ná 'an ancient holy sonic vibration of creation . . .'
Is é Naomh Colm Cille Naomhphátrún na Filíochta. Ní éarlamh na filíochta in Éirinn amháin é - is é éarlamh na filíochta é, lánstad. Feictear dom nach n-aithnítear é sin i gceart sa tír seo ná i measc lucht éigse an domhain mhóir.
Tríd an spiara caol an lá úd is mé im' gharsún drabhlásach ar a bhealach féin tagtha ar ais arís mar bhall den teaghlach cloisim guth sceitimíní air is é i mbun tráchtaireachta ar an gcorn domhanda sa pheil
ró-óg de shíor
idir an dá linn tríd an bhfuinneog oscailte ar an aer i bhfocal go trom suaill na bhfíréan
a cuid fola ag stealladh go flúirseach ar na braillíní ar na piseanna cumhra ar a garsún le méara brocacha dhún sé mogaill na súl ar na súile glasa a d'at le halltacht
í ag fánaíocht go héadrom os cionn mo thuamasa d'aer
I measc na nithe a thit amach sa bhliain 1807, rugadh James Fintan Lawlor, réabhlóidí. Cailleadh an pleidhce amadáin Boyle Roche. I measc na rudaí seafóideacha a tháinig ó bhéal an pharlaiminteora úd, cuimhnítear ar,
"Mr Speaker, I smell a rat; I see him forming in the air and darkening the sky; but I'll nip him in the bud!"
Cailleadh an cláirseoir Donncha Ó hAmsaigh agus é in aois 112. Nuair a thug ministir Gallda cuairt air, ar seisean:
‘I found him lying on his back in bed, near the fire of his cabin, his harp under the bedclothes, by which his face was covered also. When he heard my name, he started up, being already dressed, and seemed rejoiced to hear the sound of my voice... . He then tuned his old time-beaten harp, his solace, and his bedfellow, and played with astonishing justness and good taste... The Coolin, The Dawning of the Day, Eibhlín, a Rún, and Ceann Dubh Dílis'.
Thall sa tSeapáin, chum Issa an haiku gleoite seo:
ar chos fhliuch an chapaill... féileacán agus é ina shámhchodladh
Níl cur amach ar an Darma ag an té a bhfuil an iomarca cainte aige. An té a chloiseann beagán den Darma agus a thuigeann láithreach é agus a thugann aird air tá an-chur amach ag an duine sin ar an Darma.
Cuir misneach amú le linn bhlianta na foghlama le haghaidh bhlianta na fánaíochta Trí dhomhan atá ag casadh go béasach mánla Ó mhaistíneacht na foghlama.
Gnome
Spend the years of learning squandering Courage for the years of wandering Through a world politely turning From the loutishness of learning.
