léiríonn na crainn
a bhfíor-dhathanna dhúinn:
buí buile na gcrann cnó capaill
dhá mhailp mar shiúracha gaoil
an bheith oráiste
níos cróga ná béaldath
Ag tarraingt ar dhá scór dúinn
mionnaímid, nuair a thiocfaidh an t-am,
nach bhfeofaimid inár ndaoine
uaisle liatha
ach dála Colette henna a chur
inár gcuid gruaige, beimidne leis
órga rua
is imeoimid sa deireadh
inár lasair fhiáin
