Ranajit Das
Tá buailtreach ar fud na mballaí go léir, an dtuigeann tú.
Lorg na méar go domhain le feiceáil.
Ar thug tú faoi deara, a Watson dhil?
Is iad na loirg sin na príomhnoda atá ann
agus an tír seo á hiniúchadh agam.
Abair, a Watson,
ó thaifead aisteach seo na méarlorg ar na ballaí
de chac bó agus de sholas na gréine -
an uile orlach de ina fhianaise
ar bhuairt uafásach na mban stiúgtha -
cén tátal a bhainfeá as an méid sin go léir
i dtaca le cúrsaí coiriúlachta de, mallnimhiú, béim ghréine, Dia?
