Marianne North
Paipír
le William Heyen
Flúirseach, tráth, tearc inniu,
ag fás beagnach san uisce, nó san uisce,
an laíon gearrtha ina stiallacha sraitheanna,
an rud a d'iompair na briathra.
Gas triantánach, caol
duilleoga ina mothall deich dtroithe os cionn an eanaigh,
an rud a d'iompair na briathra,
briathra gréine, nó briathra
labhartha, nó briathra i gcogar, nó i mbrionglóid,
nó breactha síos le pinn ghiolcaí,
le súiche agus uisce a ramhraíodh le guma.
Dob' fhéidir éisteacht léi is í ag luascadh sa ghaoth
os cionn ghlór an uisce,
ag labhairt le briathra an uisce,
briathra na gréine sna duilleoga aici.
