Schubert: Die Wetterfahne (Winterreise)

File: Wilhelm Müller Cumadóir: Franz Schubert

Die Wetterfahne Der Wind spielt mit der Wetterfahne auf meines schönen Liebchens Haus. Da dacht ich schon in meinem Wahne, sie pfiff den armen Flüchtling aus. Er hätt’ es ehr bemerken sollen, des Hauses aufgestecktes Schild, so hätt’ er nimmer suchen wollen im Haus ein treues Frauenbild. Der Wind spielt drinnen mit den Herzen wie auf dem Dach, nur nicht so laut. Was fragen sie nach meinen Schmerzen? Ihr Kind ist eine reiche Braut.

An Eite Ghaoithe Leoithne ag spraoi leis an eite ghaoithe Atá ar thigh mo mhíle grá. Tuigeadh domsa is mé ar mire Gur ruaig an fheadaíl mé ar fán. Cén fáth nach bhfaca sé níos luaithe An comhartha sin thuas ar an díon, Is thuigfeadh sé go mbeadh ’na iontas bean dílis ’fháil faoi dhíon an tí. Leoithne ag spraoi istigh leis na croíthe Mar ’dheineann thuas, ach ní ró-dhian. Cuma leosan faoi mo phianta. Is brídeach shaibhir í a níon.

Briathra an Bhúda

Tañca kammaṃ kataṃ sādhu,
yaṃ katvā nānutappati,
yassa patīto sumano,
vipākaṃ paṭisevati.

Éist leis an mbun-Pháilis: http://host.pariyatti.org/dwob/dhammapada_5_68.mp3

Gníomh maith é an gníomh sin
nach mbeidh a aithreachas ort ar ball
ach a thoradh á bhaint agat
go sona sásta suairc.

Vinoba Bhave

Vinoba Bhave
Vinoba agus Gandhi na briathra eatarthu... an ciúnas ollmhór	Vinoba and Gandhi the words they shared... the immense silence
	Βινόμπα και Γκάντι τα λόγια που είπαν... η άπειρη σιωπή Leagan Gréigise: Sarah Thilykou

Misneach

Misneach	Bapuji! tá misneach id' scáth fiú amháin
	Bapuji! there is courage even in your shadow
	Μπάπου! υπάρχει θάρρος και στη σκιά σου ακόμη Leagan Gréigise: Sarah Thilykou

Dealg

Dealg
maolaigh pian an domhain... baineann bearbóir dealg as do chos	take away the world's pain... a barber extracts a thorn from your foot
	πάρ' τον πόνο του κόσμου... ο κουρέας βγάζει το αγκάθι σου Leagan Gréigise: Sarah Thilykou

Smaoineamh an lae

Táim chun clú a ghnóthú dom féin.
Má theipeann orm,
ní chloisfidh tú fúm níos mó.

Koan-Haiku

	fuaim leathsciathán féileacáin... ag bualadh
	the sound of one butterfly wing... flapping
	ο ήχος φτερού της πεταλούδας... που φτερουγίζει Leagan Gréigise: Sarah Thilykou
	音聞こゆ いまや羽ばたく 蝶ありて Leagan Seapáiníse: Mariko Sumikura
	le son d'une aile de papillon... battant Leagan Fraincise: Daniel Py

Lola Álvarez Bravo

Lola Álvarez Bravo	ag dul suas ag dul síos ní thuirsítear riamh sinn... aistir shíoraí
	ascent and descent we never weary... endless peregrinations
	κατέβα ανέβα δεν βαριόμαστε... προσκυνήματα άπειρα Leagan Gréigise: Sarah Thilykou
	昇降し 決して飽きぬ 我が旅よ Leagan Seapáinise: Mariko Sumikura

Santoka

cad tá iontu
n'fheadar faoin spéir . . .
ach táid go léir faoi bhláth

Briathra an Bhúda

Síormhachnamhach agus buanseasmhach iad na saoithe
iadsan amháin a shroicheann Nirveána - is saortar iad ón daoirse.

Te jhāyino sātatikā, niccaṃ daḷhaparakkamā,
phusanti dhīrā nibbānaṃ, yogakkhemaṃ anuttaraṃ.

Éist leis an mbun-Pháilis:

 http://host.pariyatti.org/dwob/dhammapada_2_23.mp3

Lang Jingshan

Lang Jingshan	crann giúise ag machnamh ar shaol file... sular rugadh é
	a pine tree meditating on the life of a poet... before his birth
	un pin méditant sur la vie d'un poète... avant sa naissance Leagan Fraincise: Daniel Py
	沈思の松 詩人の生涯 前世まで Leagan Seapáinise: Mariko Sumikura

Dánta le Richard Brautigan

Staidéar Gearr

Nuair a dhúisíonn taibhrimh
is é críoch na beatha é.
Imíonn na taibhrimh ansin.
Imíonn an bheatha.

Tóiceo, 26 Aibreán, 1976

Sifunda kafuphi seyinyamalele

la amaphupho ephaphama
iyaphela impilo
kuthi la maphupho esephela
ibiyaphela impilo

Leagan Súlúise:Vusi Benedict Mchunu

ΣΥΝΤΟΜΗ ΣΠΟΥΔΗ ΣΤΗ ΦΥΓΗ

Όταν τα όνειρα ξυπνούν
η ζωή τελειώνει.
Μετά τα όνειρα φεύγουν.
Η ζωή φεύγει.

Leagan Gréigise le Sarah Thilykou

AG AN INSTITIÚID TEICNEOLAÍOCHTA CALIFORNIA

Is cuma liom cé chomh cliste, léan orthu,
is atá an dream seo: tá leadrán an domhain orm.

    Tá sé ag stealladh báistí ó mhaidin
    is níl faic le déanamh.

(Scríofa ar an 24 Eanáir, 1967, agus mé i m'fhile cónaitheach san Institiúid Teicneolaíochta, California).

Anginandaba noma behlakaniphile
labafo: isithukuthezi
Lilokhu linile uzamcolo usuku lonke
Akukho engingakwenza

(Ilotshwe ngo January 24, 1967 ngenkathi eyimbongi emenyiwe  iCalifornia Institute of Technology)

 Leagan Súlúise le Vusi Benedict Mchunu

Hiroshi Sugimoto

Hiroshi Sugimoto
ár sinsir amuigh ag siúl... gan lipéad ar bith orthu	our ancestors taking a stroll... without any labels
	amadlozi ethu etetemuka nje engabhalwe lutho Leagan Súlúise: Vusi Benedict Mchunu

Lang Jingshan

Lang Jingshan
tá an caladh thall ag glaoch orainn... is an caladh a d'fhágamar	the other shore is calling us... as is the shore we left
	彼の岸が 我ら呼ぶ 此の岸のごと Leagan Seapáinise: Mariko Sumikura

Briathra an Bhúda

Méadaíonn de shíor ar ghlóir an té
atá fuinniúil, airdeallach agus saor ó locht,
géarchúiseach, fíréanta, cuidiúil agus smacht aige air féin.

Uṭṭhānavato satīmato
sucikammassa nisammakārino,
saññatassa dhammajīvino, appamattassa yasobhivaḍḍhati.
Éist leis an mbun-Pháilis: http://host.pariyatti.org/dwob/dhammapada_2_24.mp3

Dán Grá Breatimeachta

Claude Monet - Tithe na Parlaiminte
lá breá éigin, a stór sleamhnóidh na Tithe Parlaiminte isteach sa Tamais     gan osna go ciúin     gan chuilithín	one fine day, dearest the Houses of Parliament will slip into the Thames     quietly, without a sigh     barely a ripple
suku lumbe, sthandwa imizi yePhalamende iyominza kwiThames shabalali ingabubuli - namanzi ayothula cwaka Leagan Súlúise: Vusi Benedict Mchunu	μία πρωία το Κοινοβούλιο, ντίαρ θα πέσει στον Τάμεση      ήσυχα, χωρίς άχνα      μόνο ένα κυματάκι Leagan Gréigise: Sarah Thilykou

Maya

Díríonn an Búda ar an talamh
Díríonn an máistir Zen ar an ngealaigh
Díríonn Arjúna ar an sprioc
Díríonn Muire ar an mbunóc
Díríonn Íosa ar an gcroí
Díríonn Rumi ar Shams

Bímid go léir ag faire amach
go dtí go bhfeicimid

Maya

Buddha points to the earth
Zen master points to the moon
Arjuna points to the target
Mary points to her child
Jesus points to the heart
Rumi points to Shams

We all look
until we see

Ellen Grace O'Brian

Smaoineamh an Lae

Nithe ársa, nithe a ligeadh i ndearmad le fada ba dhóigh leat, táid caomhnaithe ionainn, agus oibríonn siad orainn i gcónaí - go minic gan fhios dúinn - agus ansin, go tobann, tagann siad aníos agus labhrann linn ar nós na scáthanna úd in Háidéas a chothaigh Odaiséas lena chuid fola féin.

Ernst Fischer, Von der Notwendigkeit der Kunst (Faoi Riachtanas na hEalaíne)

Tháinig an Grá

Tháinig an Grá

Tháinig an Grá agus folmhaíodh mé ,
gach féith díom is póir
ina coimeádán a líonfadh m'Ansacht.
Níl fágtha díomsa ach ainm,
tusa an chuid eile, a Chara, a Ansacht.

Abu-Said Abil-Kheir

(967 - 1049)

Love came and emptied me of self

Love came and emptied me of self,
every vein and every pore,
made into a container to be filled by the Beloved.
Of me, only a name is left,
the rest is You my Friend, my Beloved.

Leagan Béarla: Vraje Abramian

Η αγάπη ήρθε και μ' άδειασε από τον εαυτό μου

Η αγάπη ήρθε και μ' άδειασε από τον εαυτό μου,
έγινε κάθε φλέβα κάθε πόρος,
ένα δοχείο για να γεμίσει απ' τον Αγαπημένο.
Μόνο ένα όνομα από εμένα έχει απομείνει,
όλα τα άλλα είσαι Εσύ, Φίλε μου, Αγαπημένε.

Sarah Thilykou a dhein an leagan Gréigise

Sa Tóir ar Chéimseata

Sa tóir ar chéimseata an cur síos atá againn ón ngrianghrafadóir Sileach Sergio Larrain ar an bpróiseas ealaíne aige. I dtús na seascaidí a foilsíodh an leabhar seo an chéad lá.

“Nuair a bhreathnaím uaim,” a deir sé, “agus an ceamara i mo ghlac agam, is ag breathnú ionam féin atáim dáiríre, ag lorg pictiúr”. Agus tagann an pictiúr nuair a bhíonn an chéimseata i gceart.
Is sainmhíniú spéisiúil é sin ar ghairm an ghrianghrafadóra ealaíne agus bímis buíoch de Éditions Xavier Barral go bhfuil fáil arís ar an leabhar iontach seo, El Rectangulo En La Mano.

Deich mbliana nó mar sin a chaith Larrain i mbun grianghrafadóireachta – saol na sráideanna, scáileanna agus leanaí trí mhór-théama aige – agus ansin bhain sé sráidbhaile sléibhe amach agus chuaigh i mbun machnaimh agus peannaireachta.

Éan Corr: Mionléirmheas le Gabriel Rosenstock

Bhain sé an-cháil amach sa bhliain 1986 leis an leabhar The Solitude of Ravens agus tá íomhánna as an leabhar sin agus saothar eile sa bhailiúchán grianghraf Masahisa Fukase, foilsithe ag Editions Xavier Barral, 416 leathanach, 160 íomhá, 7¾x10¼". 

Sa leabhar nua seo chomh maith tá na féinphortráidí clúiteacha agus é san fholcadán, portráidí de chait agus saothar eile nár foilsíodh cheana.
Ba sa bhliain 1975 a tharraing na fiacha dubha a aird agus é ar aistear traenach. Bhíodar ag eitilt, nó ar chuaillí teileagraif, iad leo féin nó le scata eile, iad ina scáileanna beo. 

Chaithfeadh sé deich mbliana sa tóir ar na scáileanna sin. Sa bhliain 1982, d’admhaigh sé ina dhialann go raibh sé féin iompaithe ina fhiach dubh!
Má ba fiach dubh é Fukase, éan gan sciatháin ab ea é: sa bhliain 1992 thit sé síos staighre i dtábhairne agus bheadh sé scór bliain i gcóma go dtí gur cailleadh é sa bhliain 2012. 

Spreag ceann de na fiacha dubha sin aige haiku dhá line uaimse:

colscaradh –
níl aon dul siar ann